Ons storie

My liefde vir kinders en hul ontwikkeling het reeds vroeg begin – dit het my gelei om my studies in Wellington by die Onderwyskollege Boland te voltooi.

My eerste tree in die onderwyswêreld was in die hartjie van die Karoo, in die pragtige dorp Graaff-Reinet, waar ek as Graad 2-juffrou by Laer Volkskool begin het. Dit was hier waar my passie vir die vorming van jong lewens nog dieper gewortel is en ek Jannie ontmoet het.

Later het ons Kaap toe verhuis, waar ek die voorreg gehad het om by Laerskool Eversdal aan te sluit.

Vir 22 wonderlike jare was ek ’n Grondslagfase-juffrou, jare gevul met leer, lag, groei en kosbare herinneringe saam met kinders. Elke dag in die klaskamer het my net meer oortuig van een ding: kinders floreer die beste in ’n omgewing waar hulle veilig, geliefd en tuis voel.

Die droom om my eie skooltjie te begin, het altyd in my hart geleef, ’n plek waar kinders in ’n kleiner, huislike atmosfeer met liefde versorg kan word en waar elke kind die ruimte kry om teen hul eie pas te ontwikkel.

In 2018 het daardie droom ’n werklikheid geword toe KwetterBekkies Dagsorg Uitzicht sy deure oopgemaak het, ’n plek gebore uit passie, liefde en ’n opregte begeerte om elke kind se unieke reis te koester.

Ons waardes

Ouderdomsgroepe

KwetterBekkies Kampus

Buitemuurse
aktiwiteite

Ons maatjies kan saam met ons uitgebreide KwetterBekkies-familie en betroubare vennote verskeie buitemuurse aktiwiteite geniet wat hul vaardighede en selfvertroue verder ontwikkel.